ابوجا (انٹرنیشنل ڈیسک) نائیجیریا میں مسلح افراد نے ایک مسجد پر حملہ کر کے 16 نمازیوں کو شہید کر دیا۔ ملک کے شمالی خطے میں کیے گئے اس حملے میں کئی افراد کو اغوا بھی کرلیا گیا۔ مقامی حکام کے مطابق یہ پرتشدد واقعہ نائیجر صوبے کے مشیگو علاقے کے گاؤں میں اس وقت پیش آیا جب موٹر سائیکل پر سوار درجنوں مسلح حملہ آوروں نے گاؤں پر حملہ کیا۔ انہوں نے مسجد میں عبادت کرنے والے افراد کو شہیدکرتے ہوئے لوٹ مار بھی کی۔ پولیس نے 9ہلاکتوں کی تصدیق کی ہے۔ اطلاعات کے مطابق نائیجیریا کے شمال وسطی اور شمال مغربی علاقوں میں مقامی مسلح گروہ تاوان کے لیے رہایشیوں کو اغوا اور قتل کرتے ہیں۔
