اسلام آباد: سپریم کورٹ نے 16 ہزار سرکاری ملازمین کی بحالی کی اپیلیں مسترد کردیں۔
میڈیا رپورٹس کے مطابق سپریم کورٹ نے 16 ہزار سرکاری ملازمین کی برطرفی کے خلاف دائر اپیلوں پر گزشتہ روز محفوظ کیا گیا فیصلہ سنا دیا۔ سپریم کورٹ کے پانچ رکنی بینچ میں چار ججز نے اپیلیں مسترد کرنے کے حق میں فیصلہ دیا، جب کہ جسٹس منصور علی شاہ نے اپیلیں مسترد کرنے سے اختلاف کیا۔
بینچ کے سربراہ جسٹس عمر عطا بندیال نے فیصلہ پڑھ کر سنایا، جس میں کہا گیا ہے کہ عدالت نے سرکاری ملازمین کی بحالی کی اپیلیں مسترد کردی ہیں۔
