چندی گڑھ (انٹرنیشنل ڈیسک) بھارت کے شہر امرتسر میں سکھوں کے تاریخی گردوارے دربار صاحب میں اہانت آمیز حرکتوں پر ایک نوجوان کو قتل کردیا گیا۔ خبررساں اداروں کے مطابق مذہبی رسومات کے دوران ایک شخص نے سکھوں کی مقدس کتاب گرو گرنتھ صاحب کے قریب رکھی ہوئی سری صاحب نامی تلوار اٹھانے کی کوشش کی۔ دعائیہ تقریب ٹیلی وژن پر براہ راست نشر کی جا رہی تھی۔ پولیس نے بتایا کہ عبادت گاہ کی توہین کے بعد ملزم کو تشدد کر کے قتل کر دیا گیا۔ امرتسر پولیس کے مطابق مقتول کی عمر 25برس تھی اور واقعے کے وقت اس نے سر پر زرد رنگ کا رومال باندھ رکھا تھا۔