تراوننتاپورم (انٹرنیشنل ڈیسک) بھارتی ریاست کیرالہ کی ایک عدالت نے کورونا ویکسینیشن سرٹیفکیٹ پر مودی کی تصویر ہٹائے جانے کا مطالبہ کرنے والے شہری پر ایک لاکھ روپے کا جرمانہ عائد کردیا۔ بھارتی میڈیا کے مطابق ہائی کورٹ نے شہریوں کو دیے جانے والے سرٹیفکیٹ پر مودی کی تصویر کیخلاف شہری کی درخواست کو مسترد کردیا۔ عدالت نے درخواست کو فضول ، سیاسی اور شہرت کے حصول کا ذریعہ قرار دیتے ہوئے مدعی پر الٹا جرمانہ بھی عائد کیا ۔ واضح رہے کہ مدعی پیٹر میالی پارمپل ایک سماجی کارکن ہے ۔