ماسکو(انٹرنیشنل ڈیسک) سائبیریا کے ایک علاقے میں ایک بڑے شاپنگ سینٹر میں خوف ناک آتش زدگی کے باعث چھت منہدم ہوگئی۔ ذرائع ابلاغ کے مطابق سائبیریا کے شہر ٹومسک میں لینٹا نامی شاپنگ سینٹر میں اچانک آگ بھڑک اٹھی، جو بہت تیزی سے 5 ہزار اسکوائر میٹر تک پھیل گئی۔ آگ کی شدت کی وجہ سے ساڑھے 3 ہزار مربع میٹر کے رقبے پر شاپنگ سینٹر کی چھت بھی اچانک گر گئی۔ محکمہ صحت کے مطابق حادثے میں کوئی شخص زخمی نہیں ہوا۔