نیویارک(انٹرنیشنل ڈیسک) امریکامیں کورونا ویکسین لگوانے کے لیے شہریوں کو خصوصی پیشکش کر دی گئی۔ ذرائع ابلاغ کے مطابق کورونا کا نیا ویرینٹ اومیکرون امریکااور برطانیہ سمیت یورپی ممالک میں تیزی سے پھیل رہا ہے ، جس سے نمٹنے کے لیے عوام کو انوکھی ترغیبات دی جا رہی ہیں۔ نیویارک کے میئر بل ڈی بلاسیو نے اعلان کیا کہ دسمبر کے آخر تک جس شہری نے کورونا ویکسین کی بوسٹر ڈوز لگوا لی وہ 100 ڈالر وصول کرنے کا مستحق ٹھہرے گا۔