اسلام آباد: وزیر خارجہ شاہ محمود قریشی کا کہنا ہے کہ اقوام متحدہ اور امریکی اداروں کو مستحق افغان عوام کی مدد کرنے میں آسانی ہوگی۔
سماجی رابطے کی ویب سائٹ ٹوئٹر پر اپنے بیا میں وزیر خارجہ شاہ محمود قریشی نے کہا کہ افغانستان کی مدد سے متعلق پیشرفت کا خیرمقدم کرتے ہیں، یو این سیکیورٹی کونسل کی افغانستان کی مدد کے لیے قرارداد منظور ہوئی۔
شاہ محمود قریشی نے کہا کہ پابندیوں میں نرمی کے بعد عالمی ادارے افغانستان کی مدد کر سکتے ہیں، حالیہ پیشرفت سے بند دروازے کھل گئے ہیں۔
وزیر خارجہ نے کہا کہ سب نے اتفاق کیا افغانستان کو انسانی بحران سے بچانے کے لیے کوشش کرنا ہوگی۔
Following #OICInPakistan, welcome 2 imp devpts in support of Afghan people:
➖@UN SC resolution to provide aid to Afghanistan, supporting basic needs
➖ The US exemption on US/UN officials doing permitted business w/ Taliban from U.S. sanctions, to help ease aid flow.— Shah Mahmood Qureshi (@SMQureshiPTI) December 23, 2021
خیال رہے کہ اقوام متحدہ کی سلامتی کونسل نے متفقہ طور پر افغانستان کو انسانی امداد فراہم کرنے کی قرارداد منظور کرلی۔ قرارداد میں کہا گیا کہ فنڈز کی ادائیگی، دیگر مالیاتی اثاثوں یا اقتصادی وسائل اور امداد کی بروقت فراہم کی یقینی بنانے یا ضروری سامان اور خدمات کی اجازت ہے۔
قرارداد میں مزید کہا گیا ہے کہ امداد افغانستان میں بنیادی انسانی ضروریات سے متعلق ہے، یہ طالبان سے منسلک اداروں پر عائد پابندیوں کی خلاف ورزی نہیں ہے۔
