پاکستان پیپلز پارٹی کے چیئرمین بلاول بھٹو زرداری نے کہا ہے کہ شہید محترمہ بے نظیر بھٹو مثالی عالمی لیڈر تھیں‘شہید بے نظیر بھٹو کی زندگی ایک تحریک اور مشعلِ راہ ہے، قوم ان کے قومی جذبے اور طویل جدوجہد کو کبھی فراموش نہیں کرے گی. بے نظیربھٹو کے چودھویں برسی پر اپنے پیغام میں بلاول بھٹو زرداری نے کہا کہ شہید محترمہ بے نظیر بھٹو نے پاکستان میں بڑی بہادری سے جمہوریت کے لیے تاریخی جدوجہد کی ۔آج یہ عہد کرنے کا دن ہے کہ پاکستان سے دہشتگردی و انتہا پسندی کا خاتمہ کریں گے اور جمہوریت کی مضبوطی، آئین و پارلیمان کی بالادستی اور معاشرتی مساوات کے لیے جدوجہد جاری رکھیں گے۔ چیئرمین پی پی کا کہنا تھا کہ شہید محترمہ بے نظیر بھٹو کو اس کے علاوہ خراج عقیدت پیش کرنے کا کوئی اورطریقہ نہیں ہوسکتا۔