اسلام آباد:وزیر اعظم عمران خان کی زیر صدارت اجلاس میں ملک کی پہلی قومی سلامتی پالیسی کی منظوری دے دی گئی، جس میں مشیر قومی سلامتی کی پالیسی کے خدوخال پر بریفنگ دی گئی۔
میڈیا رپورٹس کے مطابق اجلاس میں فیصلہ کیا گیا کہ پالیسی جامع قومی سیکورٹی فریم ورک کے تحت کمزور طبقے کا تحفظ، سکیورٹی اور وقار یقینی بنائے گی، کابینہ کو وزیر اعظم کی پالیسی پر عمل درآمد کے لیے ماہانہ رپورٹ پیش کرنے کی ہدایت کی گئی ہے۔
وزیر اعظم نے کہاکہ پالیسی کی تیاری اور منظوری ایک تاریخی اقدام ہے، موثر عملدرآمد کے لیے تمام ادارے مربوط حکمت عملی اپنائیں، قومی سلامتی ڈویژن اور تمام متعلقہ اداروں کی کاوشیں لائق تحسین ہیں۔