کراچی (اسٹاف رپورٹر)پی سی بی کوڈ آف کنڈکٹ کی خلاف ورزی کرنے کے باعث ناردرن کے بلے باز محمد حریرہ پر میچ فیس کا20فیصد جرمانہ عائد کردیا گیا۔یہ واقعہ ناردرن اور خیبرپختونخوا کے درمیان نیشنل اسٹیڈیم کراچی میں قائد اعظم ٹرافی کے ڈے اینڈ نائٹ فائنل کے دوران پیش آیا ۔محمد حریرہ پی سی بی کوڈ آف کنڈکٹ کی شق 2.8 کی خلاف ورزی کے مرتکب پائے گئے۔یہ آرٹیکل میچ میں آئوٹ ہونے پر اپنے ایکشن کے ذریعے غصہ اور غیر مناسب رویے کا اظہار کرنے سے متعلق ہے۔