واشنگٹن (انٹرنیشنل ڈیسک) امریکی دارالحکومت واشنگٹن اور قریبی ریاستوں میں برف باری نے نظام زندگی درہم برہم کردیا۔ واشنگٹن میں 9 انچ تک برف پڑی ، جس کے باعث اسکول بند کرنے کا حکم دے دیا گیا ۔ ریاست ورجینیا اور میری لینڈ برف باری سے سب سے زیادہ متاثر ہوئیں اور بعض مقامات پر 12 انچ تک برف باری ریکارڈ کی گئی۔ مقامی میڈیا کے مطابق برف باری کی وجہ سے درجنوں حادثات ہوئے ،جب کہ شدید موسم کی وجہ سے پر وازیں متاثر ہوئیں۔