مکہ مکرمہ (انٹرنیشنل ڈیسک) سعودی عرب نے اومیکرون کے تیزی سے پھیلاؤ کے پیش نظر کورونا پابندیوں میں مزید سختی کرتے ہوئے ایک عمرے کے بعد فوری طور پر دوسرے عمرے کی اجازت ختم کردی ۔ وزارت حج و عمرہ نے عمرہ پالیسی میں تبدیلی کرتے ہوئے ایک عمرے کے بعد دوسرے عمرے کے درمیان کم از کم 10 دن کا وقفہ لازمی قرار دیا ہے۔ سعودی حکومت کا کہنا ہے کہ اس اقدام کا مقصد رش کو کم کرنا اور مطاف میں طواف اور نماز کے دوران سماجی فاصلے سمیت دیگر احتیاطی تدابیر پر عمل کو یقینی بنانا ہے۔ مسجد الحرام اور مسجد نبوی میں کورونا پابندیاں دوبارہ نافذ کی جا رہی ہیں۔