کراچی (اسٹاف رپورٹر)قومی انڈر 13 اور انڈر 16 کرکٹ ٹورنامنٹس14 جنوری جمعہ سے بالترتیب کراچی اور ملتان میں شروع ہوں گے۔ دونوں ٹورنامنٹس میں مجموعی طور پر 270 نوجوان کرکٹرز شرکت کریں گے۔قومی انڈر 16 ون ڈے ٹورنامنٹ45 اوورز پر مشتمل ہوگا۔ ملتان میں شیڈول یہ ٹورنامنٹ 14 سے 25 جنوری تک کھیلا جائے گا۔ ایونٹ کے میچز 5 مختلف وینیوز پر کھیلے جائیں گے۔ جہاں تمام 6 کرکٹ ایسوسی ایشنز کی مجموعی طور پر12 ٹیمیں شرکت کریں گی۔اسی طرح قومی انڈر 13 ون ڈے ٹورنامنٹ 25اوورز پر مشتمل ہوگا۔ کراچی میں شیڈول اس ٹورنامنٹ میں 6 مختلف ٹیمیں شرکت کریں گی۔