لاہور:پاکستان پولٹری ایسوسی ایشن کے زیر اہتمام تین روزہ انٹرنیشنل پولٹری ایکسپو 17فروری سے ایکسپو سنٹرلاہورمیں شروع ہو گی ۔17سے19فروری 2022تک منعقد ہونے والی ایکسپو میں پولٹری انڈسٹری اورمرغبانی انڈسٹری سے وابستہ ہزارو ں افراد شرکت کریں گے۔ایکسپو میں انڈسٹری کے ماہرین اور پیشہ ور افراد کے خصوصی لیکچر رز پر مشتمل سیمینار کا انعقاد بھی کیا جائے گا ۔ نمائش میں پولٹری انڈسٹری کے تمام شعبہ جات کے علاوہ غیر ملکی کمپنیاں بھی شریک ہوں گی ۔ تین روزہ ایکسپو میں پولٹری سے متعلقہ مصنوعات اور آلات کے سٹالز بھی لگائے جائیں گے۔
