لاہور: پنجاب حکومت نے 15مئی کو بلدیاتی انتخابات کرانے کا اعلان کر دیا۔
وزیر بلدیات پنجاب میاں محمود الرشیدکا کہنا تھاکہ حکومت پنجاب نے بلدیاتی نتخابات کے انتظامات کو حتمی شکل دینے کے لیے خصوصی پلان ترتیب دے دیا، 15مئی کو بلدیاتی انتخابات ہونے جارہے ہیں۔ ہماری کوشش ہے کہ نئی لوکل گورنمنٹ کو مقامی حکومتوں کا با اختیار نظام دیں۔ اس سے پہلے کسی بھی حکومت نے بلدیاتی اداروں کو کام نہیں کرنے دیا، اداروں کے پاس اختیارات نہیں تھے۔
ان کا کہنا تھاکہ ارکان اسمبلی اور وزرا وہ کام کررہے ہیں جو بلدیاتی اداروں کا کام ہے ، وہ کبھی فنڈز کے پیچھے اور کبھی ٹھیکیدار کے پیچھے ہوتے ہیں۔ہمارا اصل کام عوامی مسائل کا حل اور قانون سازی ہے۔
