اینٹیگوا (جسارت نیوز)آئی سی سی انڈر 19 ورلڈ کپ، سری لنکا نے پانچویں پوزیشن کے پلے آف سیمی فائنل میں جنوبی افریقا انڈر 19 کو 65 رنز سے ہرا دیا، فاتح ٹیم نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 232رنز بنائے، کپتان دنتھ ویلالاگے نے شاندار بیٹنگ کا مظاہرہ کیا اور 113 رنز بنائے، کوینا مفاکا نے تین کھلاڑیوں کو آئوٹ کیا۔ جنوبی افریقا کی ٹیم مطلوبہ ہدف حاصل نہ کر سکی اور پوری ٹیم 37.3 اوورز میں 167 رنز بناکر آئوٹ ہو گئی، گرہارڈس میری 44 رنز کے ساتھ ٹاپ اسکورر رہے۔ روین ڈی سلوا، شیون ڈینیئل اور تروین میتھیو نے دو، دو وکٹیں حاصل کیں۔ دنتھ ویلالاگے کو میچ کا بہترین پلیئر قرار دیا گیا۔