بیجنگ (انٹرنیشنل ڈیسک) ایک تازہ تحقیقی رپورٹ میں چینی وبائی ماہرین نے کہا ہے کہ امیر ممالک نے خودغرضی کا مظاہرہ کرتے ہوئے ضرورت سے کہیں زیادہ کورونا ویکسین خرید کر ذخیرہ کرلی اور غریبوں کو مرنے کے لیے چھوڑ دیا۔ ’نیچر ہیومن بہیوئر‘ کی رپورٹ کے مطابق امیر ممالک ویکسین بڑے پیمانے پر ذخیرہ کرنے کے بجائے اس کا صرف 46 فیصد حصہ غریب ممالک کو عطیہ کردیتے تو کورونا وائرس کی نت نئی اقسام سے ہلاکتیں نہ ہوتیں۔ امیر ممالک اپنی 70 فیصد آبادی کو ویکسین لگاچکے ہیں ،جب کہ غریب ملکوں میں صرف 4 فیصدآبادی ہی کی ویکسی نیشن مکمل ہوسکی ہے ۔