کیوٹو (انٹرنیشنل ڈیسک) ایکواڈور کے دارالحکومت کیوٹو میں شدید بارش اور سیلاب کی وجہ سے 27 افراد ہلاک اور 53 دیگر زخمی ہو گئے۔خبررساں اداروں کے مطابق بارش کے دوران کئی مقامات پر تودے گرنے کے واقعات بھی پیش آئے۔ سیلاب کے باعث کئی علاقے پانی میں گھر گئے ہیں اور امدادی ٹیموں کو کارروائی میں سخت دشواری کا سامنا ہے۔ حکام کہنا ہے کہ مختلف مقامات پر 2افراد لاپتا بھی ہیں اور ریسکیو ٹیمیں ان کی تلاش کے لیے دن رات ایک کررہی ہیں۔
