لاہور: آسٹریلیا کیخلاف سیریز کی تیاریوں کیلئے قومی کرکٹ ٹیم کا تربیتی کیمپ بدھ سے شروع ہوگا۔
تفصیلات کے مطابق آسٹریلیا کیخلاف سیریز کی تیاریوں کے لئے قومی کرکٹ ٹیم کا تربیتی کیمپ بدھ سے کراچی کے نیشنل اسٹیڈیم میں شروع ہوگا، جس میں شرکت کے لئے کھلاڑیوں کی آمد منگل سے شروع ہوگی۔ ہیڈ کوچ ثقلین مشتاق کی زیر نگرانی کیمپ 22 فروری تک جاری رہے گا۔ سابق ٹیسٹ کپتان محمد یوسف بیٹنگ کوچ ہوں گے۔
آسٹریلیا سے تعلق رکھنے والے بولنگ کوچ کچھ وجوہات کے باعث کیمپ میں شامل نہیں ہوں گے، تاہم وہ آسٹریلیا کے خلاف سیریز سے قبل پاکستان پہنچ کراپنی ذمہ داریاں سنبھال لیں گے۔
ایچ بی ایل پی ایس ایل 7 میں شریک کرکٹرز کیمپ میں شامل نہیں ہوں گے، کیمپ کے اختتام پر اگلے روز پاکستان اسکواڈ میں شامل کھلاڑی اسلام آباد روانہ ہوجائیں گے۔24 فروری سے سہ روزہ قرنطینہ کے بعد 27فروری سے اسلام آباد میں ٹریننگ کا آغاز ہوگا۔