اسلام آباد: مسلم لیگ (ق) کے رہنما اور وفاقی وزیر مونس الہیٰ نے وزیراعظم کو ساتھ نبھانے کی یقین دہانی کرادی۔
اسلام آباد میں تقریب سے خطاب کرتے ہوئے مونس الہیٰ نے کہا کہ ہم سیاسی لوگ ہیں، سیاستدانوں سے ملنا ہمارا کام ہے، سیاسی لوگ تعلقات بناتے اور نبھاتے ہیں، جو گھر آئے ان کا خیرمقد م کرنا اور ملنا ہمارا کام ہے۔
انہوں نے کہا کہ جو سیاسی ماحول بنا ہوا ہے اس میں کوئی ایسی چیز نہیں، ایک تماشہ بنا ہوا، سیاسی لوگ تعلقات بناتے اور نبھاتے ہیں، جس طرح ہمارا آپ سے تعلق بنا ہے، وہ ہم نے نبھانے کیلئے بنایا ہے۔ وفاقی وزیر نے وزیراعظم سے کہا کہ گزارش ہے پی ٹی آئی والوں کو تگڑے طریقے سے کہہ دیں گھبرانا نہیں ہے۔