کراچی:اپوزیشن لیڈر سندھ اسمبلی حلیم عادل شیخ نے کہا ہے کہ پچھلے کئی سال سے سندھ حکومت کو کوئی وزیرداخلہ نہیں ملا۔
وزیراعلیٰ سندھ کے بیان پر رد عمل دیتے ہوئے اپوزیشن لیڈر سندھ اسمبلی حلیم عادل شیخ کا کہنا تھا کہ وزیر اعلیٰ صاحب آپ شہید اطہر متین کے گھر مجرم کی حیثیت سے آئے ہیں یا ملزم کی حیثیت سے؟ کیا اطہر متین کے قاتل پکڑے گئے یا سامنے آگئے؟ اس کا ذمہ دار کون ہے؟ کیا آپ وزیرداخلہ نہیں ہیں؟ پچھلے کئی سال سے سندھ حکومت کو کوئی وزیرداخلہ نہیں ملا۔
حلیم عادل شیخ کاکہنا تھا کہ وزیر اعلی کا منہ اطہر متین شہید کے لواحقین سے تعزیت کا نہیں، وزیر اعلی آج کس منہ سے شہید اطہر متین کے گھر گئے ہیں، آپ وزیرداخلہ ہیں قاتلوں کو بے نقاب کرکے شہید اطہر متین کے گھر آنا چاہیے تھا۔
اپوزیشن لیڈر سندھ اسمبلی کا مزید کہنا تھا کہ وزیر اعلی ہتھکڑی لگاکر خود کو پیش کرتے کے کراچی کے مقتولین کا میں مجرم ہوں، شہر کراچی پولیس کے حوالے ہے، جس میں قاتل آزاد اورمظلوم مارے جا رہے ہیں۔