کراچی: پاکستان تحریک انصاف (پی ٹی آئی) کے رکن قومی اسمبلی عامر لیاقت کی پارٹی رکنیت خطرے میں پڑ گئی۔
پی ٹی آئی سندھ کے نائب صدر اور رکن سندھ اسمبلی راجہ اظہر نے عامر لیاقت کی پارٹی رکنیت ختم کرنے کی درخواست دے دی۔
راجہ اظہر نے پارٹی کے سیکرٹری جنرل اسد عمر کو خط لکھا دیا۔ خط میں مؤقف اختیار کیا گیا ہے کہ رکن قومی اسمبلی عامر لیاقت کی پارٹی رکنیت ختم کی جائے۔
انہوں نے کہا کہ عامر لیاقت حسین کی سوشل میڈیا پر ویڈیوز کے خلاف پارٹی قیادت ایکشن لے، انہوں نے اپنے بیانات اور ویڈیوز میں بانی ایم کیو ایم سے یکجہتی ظاہر کی۔
خط میں کہا گیا کہ عامر لیاقت پی ٹی آئی کے درمیان رہتے ہوئے پارٹی کو نقصان پہنچا رہے ہیں، ان کی نامناسب حرکات اور ناشائستہ زبان سے ورکرز خوش نہیں، عامر لیاقت سے پارٹی قیادت اب سختی سے نمٹے۔
