بگوٹا (انٹرنیشنل ڈیسک) کولمبیا کے صوبے بویاکا میں کوئلے کی کان میں دھماکے کے نتیجے میں 11 افراد ہلاک اور 4لاپتاہوگئے۔ خبررساں اداروں کے مطابق حادثہ رات گئے کان میں میتھین گیس کے جمع ہونے کی وجہ سے ہوا۔ کولمبیا میں کان کنی کے دوران بڑے پیمانے پر کھدائیوں کے باعث زمین میں بڑے بڑے گڑھے پڑ گئے ہیںاور وہاں کان کنی کے شعبے میں حادثات معمول بن گئے ہیں۔ حکومت نے کئی کمپنیوں کو ٹھیکے دے رکھے ،جو حفاظتی اقدامات کو نظر انداز کرکے کان کنوں کو مرنے کے لیے چھوڑدیتی ہیں۔