ماسکو (آن لائن) یوکرین حملے کے بعد روس نے برطانوی نشریاتی ادارے (بی بی سی) پر پابندی عاید کردی ہے۔ روس نے میڈوزا اور ریڈیو لبرٹی خبر رساں ادارے بھی بلاک کردیے ہیں۔ روسی وزارت خارجہ کا کہنا ہے کہ بی بی سی کو امن خراب کرنے کے لیے استعمال کیا جا رہا ہے۔ ماسکو کا موقف ہے کہ برطانیہ سمیت غیر ملکی میڈیا دنیا کے سامنے جزوی نظریہ پیش کر رہا ہے لیکن مغربی حکومتیں اس دعوے کو مسترد کر رہی ہیں اور روسی سرکاری میڈیا پر تعصب کا الزام لگا رہی
ہیں۔ دوسری جانب امریکین کمپنی ائر بی این بی نے روس اور بیلاروس میں آپریشنز معطل کر دیے ہیں۔