پولیس نے شہریوں بالخصوص موٹر سائیکل سواروں کی حفاظت کو مد نظر رکھتے ہوئے شہر میں قاتل ڈور اور پتنگ وغیرہ کا کاروبار کرنے والے عناصر کے خلاف کریک ڈاﺅن کے دوران مجموعی طور پر 13 افراد کو گرفتار کرلیا۔
تھانہ کوتوالی پولیس گزشتہ روز شکایت ملنے پر اندرون شہر کے مختلف علاقوں میں کیمیکل ڈور اور پتنگ فروخت کرنے والے دکانداروں کے خلاف کارروائی کی جس کے دوران ایس ایچ او تحسین اللہ نے منڈا بیری اور اطراف کے بازاروں میں پتنگ بازی اور ممنوعہ کیمیکل ڈور کا کاروبار کرنے والے 13 دکانداروں کو گرفتار کر لیا۔
گرفتار افراد میں ا افراد علی جان،فواد ،طلحہ،وقاص،فضل الرحمان،شہزاد،ارشد،غلام صابر،یاسر ،حارث،سدیس رضا،صدیق اور سہیل انجم شامل ہیں جن کے قبضے سے مجموعی طور پر پتنگیں اور ہزاروں میٹر ممنوعہ کیمیکل ڈور برآمد کر لی ۔ تمام ملزمان کے خلاف پتنگ بازی ایکٹ کے تحت مقدمات درج کرلئے گئے ہیں۔