لاہور( سید وزیر علی قادری)پاکستان آسٹریلیا ٹیسٹ سیریز کے بعد ایک روزہ بین الاقوامی میچ میں قذافی کرکٹ اسٹیڈیم انے والے صحافیوں کو سیکورٹی اہلکاروں نے اندر جانے کی اجازت نہیں دی۔ ان کا کہنا تھا کہ کسی کو بھی لیپ ٹاپ لے جانے کی اجازت نہیں۔ صحافیوں نے الجھنے کے بجائے پاکستان کرکٹ بورڈ کے میڈیا ڈپاررٹمنٹ سے اس سلسلے میں رہنمائی چاہی جس پر انہوں نے اس اقدام پر تعجب کا اظہار کیا اور اس کے بعد انہیں اندر آنے دیا۔ دریں اثنا شائقین کی پویلین میں تعداد چندہزار تک محدود رہی۔ شائقین کا کہنا ہے ون ڈے میں 100 اوورز تک اسٹیڈیم میں بیٹھنے کی عادت نہیں رہی اور سیکورٹی کے ساتھ ساتھ کئی فرلانگ پیدل چل کرآنا اور کئی مقامات پر تلاشی سے تنگ آگئے ہیں۔ شائقین نے رمضان کریم میں میچوں کے انعقاد پر بھی ردعمل ظاہر کرتے ہوئے پی سی بی سے کہاہے کہ اس شیڈول پر نظرثانی کریں۔