نئی دہلی(انٹرنیشنل ڈیسک) بھارت کی حکمراں جماعت بھارتیہ جنتا پارٹی کے کارکنوں نے نئی دہلی کے وزیراعلیٰ اروند کجریوال کے گھر پر حملہ کردیا ۔ بھارتی میڈیا کے مطابق نئی دہلی کے وزیراعلیٰ نے کشمیر سے متعلق متنازع فلم کے خلاف تبصرہ کیا تھا،جس پر بھارتیہ جنتا پارٹی کے بلوائیوں نے ان کی رہایش گاہ کو نشانہ بنایا۔ وہاں تعینات پولیس اہلکاروں کے روکنے پر لوہے کی سلاخیں، ڈنڈے اور لاٹھیاں اْٹھائے بی جے پی کے مشتعل کارکنان نے اہلکاروں پر حملہ کردیا۔ انہوں نے رکاوٹیں گرائیں اور دروازے پر سرخ رنگ پھینک دیا۔ دوسر ی جانب عام آدمی پارٹی نے اسے قاتلانہ حملہ قرار دیا ہے۔