اسلام آباد: وزیر اعظم عمران خان آج رات قوم سے خطاب کریں گے۔
وزیراطلاعات فواد چوہدری نے بھی وزیراعظم کے قوم سے خطاب کے حوالے سے تصدیق کرتے ہوئے بتایا کہ وزیراعظم عمران خان آج رات قوم سے خطاب کریں گے۔
دوسری جانب پاکستان تحریک انصاف کے سینیٹر فیصل جاوید خان نے بھی وزیراعظم کے قوم سے خطاب کی تصدیق کی ہے تاہم ان کا کہنا ہے کہ وزیراعظم عمران خان آج شام قوم سے خطاب کریں گے ، حتمی وقت کا اعلان بعد میں کیا جائے گا۔
واضح رہے کہ گزشتہ روز بھی وزیراعظم عمران خان نے قوم سے خطاب کا اعلان کیا تھا تاہم پھر یہ خطاب مؤخر کردیا گیا۔ سینیٹر فیصل جاوید نے سماجی رابطے کی ویب سائٹ ٹویٹر پر اپنی ٹویٹ میں بتایا کہ وزیراعظم کا خطاب کچھ مصروفیات کی وجہ سے مؤخر کیا گیا، اور ان کا کوئی خطاب ریکارڈ نہیں کیا گیا۔