ڈربن(جسارت نیوز):بنگلادیش کرکٹ بورڈ ڈربن ٹیسٹ میں امپائرنگ کے خلاف آئی سی سی میں باضابطہ شکایت درج کرائے گا۔ بنگلا دیشی کھلاڑی ڈربن ٹیسٹ کے چوتھے روز امپائرز کے بہت سے فیصلوں سے ناخوش دکھائی دیئے۔ ڈربن ٹیسٹ کے دوران بنگلا دیش نے جنوبی افریقی کھلاڑیوں کی طرف سے ا سلیجنگ کے بارے میں امپائرز سے شکایت کی جسے امپائرز نے نظر انداز کر دیا۔ بنگلا دیش نے جنوبی افریقا کے خلاف ون ڈے سیریز کے دوران بھی امپائرنگ کے بارے میں ایک شکایت درج کرائی ہے۔
