اسلام آباد:تحریک انصاف کے رہنما فواد چوہدری کا کہنا ہے کہ عام انتخابات ہوسکتے ہیں، ضمنی انتخابات نہیں،کل سے استعفے دینا شروع کردینگے،نئی حکومت کو ایوانوں سے باہر پھینکیں گے۔
سماجی رابطے کی ویب سائٹ پر ٹوئٹ کرتے ہوئے فواد چوہدری نے کہا کہ تحریک انصاف نے اسمبلیوں سے مستعفیٰ ہونے کا فیصلہ کیا ہے، کل وزیر اعظم کے انتخاب کے بعد یہ عمل قومی اسمبلی سے شروع کیا جائیگا۔
تحریک انصاف نے اسمبلیوں سے مستعفیٰ ہونے کا فیصلہ کیا ہے، کل وزیر اعظم کے انتخاب کے بعد یہ عمل قومی اسمبلی سے شروع کیا جائیگا
— Ch Fawad Hussain (@fawadchaudhry) April 10, 2022
فواد چوہدری نے کہا کہ قوم اس غیر قانونی حکومت کے خلاف آج سے بہت بڑی مہم کا آغاز کرے گی، پورے ملک میں احتجاج ہوگا، اس کے بغیر ساکھ بحال نہیں ہوگی، یہ سیاسی نہیں پاکستان کی سالمیت کی تحریک ہے۔