کابل: افغانستان میں طالبان حکومت نے صیہونی فوج کی جانب سے ماہ رمضان میں مسجد اقصیٰ پر دھاوا بولنے پر شدید ردعمل کا اظہار کیا ہے۔
میڈیا رپورٹس کے مطابق افغان وزارت خارجہ کے ترجمان نے مسجد اقصیٰ میں فلسطینیوں پر تشدد کی شدید مذمت کرتے ہوئے کہاہے کہ عالمی برادری بالخصوص اسلامی ممالک فلسطینیوں کے انسانی حقوق کی بحالی اور اسرائیلی مظالم کو روکنے کیلئے عملی اقدامات کریں۔
خیال رہے کہ مقبوضہ بیت المقدس میں اسرائیلی فورسز نے مسجد اقصیٰ پر اچانک دھاوا بولتے ہوئے کمپاؤنڈ میں موجود نمازیوں پر آنسو گیس کی شیلنگ کی اور ان پر ربڑ کی گولیاں بھی برسائیں، جس کے نتیجے میں 152 فلسطینی زخمی ہو ئے۔
