اسلام آباد(جسارت نیوز)انٹر کلب فلڈ لائٹ باسکٹ بال ٹورنامنٹ کے پہلے روز 6میچوں کا فیصلہ ہوگیا ۔ سی ڈی اے کے تعاون سیگذشتہ روز باسکٹ بال کورٹF 6 اسلام آباد میں کھیلے گئے ٹورنامنٹ کے پہلے میچ میں یونائیٹڈ کنگز نے تھنڈرز کو 70-40 ، دوسرے میچ میں راولپنڈی چیمپئنز نے جیگوارز کو 33-30 ، تیسرے میچ میں ایس اے جی نے بال میجیشن کو 52-25 ، چوتھے میچ میں ریپٹرز ریڈ نے ڈائنامائٹس کو 42-30، 5ویں میچ میں بلز نے ٹائمبر ویلوز کو 45-36 اور چھٹے میچ میں ریپٹرز وائٹ نے بحریہ ویلوز کو 37-33 سے ہرا دیا۔ سیکرٹری فیڈرل باسکٹ بال ایسوسی ایشن عوج ظہور نے بتایا کہ ٹورنامنٹ میں 16 ٹیمیں حصہ لے رہی ہیں جنہیں 4 گروپوں میں تقسیم کیا گیا ہے اور ہر گروپ سے2،2 ٹیمیں اگلے رائونڈ کیلئے کوالیفائی کریں گی۔ ٹورنامنٹ پانچ روز تک جاری رہے گا۔