گلیمورگن:پاکستان کرکٹ ٹیم کے فاسٹ بولر شاہین شاہ آفریدی نے کاﺅنٹی کرکٹ میں بھی وکٹوں کا کھاتہ بڑے کھلاڑی کو آٹ کرکے کھول لیا۔ انگلش کاﺅنٹی کرکٹ ٹیم میں گلیمورگن اور مڈل سیکس کے درمیان میچ سے قبل ایک دلچسپ صورتحال پیدا ہوئی۔
کرکٹ شائقین نے مڈل سیکس میں شامل کرکٹر آف دی ایئر شاہین شاہ آفریدی اور نمبر ون ٹیسٹ بیٹر آسٹریلیا کے مارنس لبوشین کے درمیان دلچسپ مقابلے کی توقع ظاہر کی۔میچ میں جب دونوں کا پہلی مرتبہ آمنا سامنا ہوا تو نتیجہ وہی نکلا جو بین الاقوامی کرکٹ میں نکلتا ہے۔
اس مرتبہ شاہین آفریدی نے مارنس لبوشین کو پہلی ہی گیند پر آﺅٹ کردیا۔پاکستانی فاسٹ بولر نے اپنے روایتی انداز میں اس خوشی کا جشن منایا جب کہ مارنس لبوشین وکٹ گنوانے پر مایوس نظر آئے۔ خیال رہے کہ یہ انگلش کانٹی کرکٹ میں شاہین شاہ آفریدی کی پہلی وکٹ تھی۔