نئی دہلی (انٹرنیشنل ڈیسک) برطانوی وزیر اعظم 2روز دورے پر بھارت پہنچ گئے،جہاں انہوں نے مقامی تاجروں سے ملاقاتیں کیں۔ خبررساں اداروں کے مطابق اپنے دورے میں وہ برطانیہ اور بھارت کے درمیان تجارت، سرمایہ کاری اور ٹیکنالوجی کے شعبوں میں شراکت داری کے کئی معاہدوں کے اعلانات کریں گے۔ جمعرات کی صبح وہ گجرات پہنچے اور سب سے پہلے ریاستی دارالحکومت احمد آباد کا دورہ کیا۔آج وہ نئی دہلی میں بھارتی ہم منصب نریندر مودی سے ملاقات کریں گے۔