میڈرڈ (انٹرنیشنل ڈیسک) مصر کے وزیر خارجہ سامح شکری نے اسپین کے شہر میڈرڈ میں ہسپانوی ہم منصب سے ملاقات کی۔ خبررساں اداروں کے مطابق انہوں نے ہسپانوی ہم منصب جوز مینوئل الباریس سے دونوں ممالک کے تعلقات کو فروغ دینے پر تبادلہ خیال کیا۔ اس دوران سامح شکری نے قاہرہ حکومت کی جانب سے انفراسٹرکچر، ٹرانسپورٹ، پانی، قابل تجدید توانائی اور برقی نقل و حرکت جیسے شعبوں میں تجارت اور براہ راست ہسپانوی سرمایہ کاری میں اضافے کی خواہش کا اظہار کیا۔ اس کے علاوہ یوکرین، فلسطین، لیبیا اور ایتھوپیا کے مسائل پر زیر بحث آئے۔