اسلام آباد:پاکستان تحریک انصاف کے رہنما عثمان ڈار نے کہا ہے کہ نیشنل سیکیورٹی کمیٹی کی میٹنگ نے عمران خان کے موقف کی توثیق کردی ہے۔
ٹوئٹر پر جاری ایک پیغام میں عثمان ڈار نے کہا کہ گزشتہ روز کی نیشنل سیکیورٹی کمیٹی کی میٹنگ نے عمران خان کے موقف کی توثیق کردی ہے، ایک بار پھر یہ ثابت ہوا کہ مراسلہ تھا اور امریکہ نے ہمارے اندرونی معاملات میں مداخلت کی۔
ان کا کہنا تھا کہ دودھ کا دودھ اور پانی کا پانی صرف اور صرف ایک جوڈیشل کمیشن کی اوپن کمیشن کی ہیرنگ میں ہوسکتا اور اسی کو ہم مانیں گے۔