اسلام آباد:پاکستان تحریک انصاف کے سیکرٹری جنرل اسد عمر نے کہا ہے کہ یہ امپورٹڈ حکومت کوئی کام خود کرے گی یا صرف عمران خان دور کے مکمل منصوبوں کا افتتاح کرے گی۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں پی ٹی آئی رہنما اسد عمر نے امپورٹڈ حکومت نامنظور کا ہیش ٹیگ استعمال کرتے ہوئے لکھا کہ یہ امپورٹڈ حکومت کوئی کام خود کرے گی یا صرف عمران خان دور کے مکمل منصوبوں کا افتتاح کرے گی؟ اسلام آباد میٹرو کے بعد اب کوئٹہ کراچی شاہراہ کادو ماہ پہلے کنٹریکٹ فائنل ہو چکا ہے۔
انہوں نے کہا کہ مراد سعید سینیٹ میں اس منصوبہ کے افتتاح کا اعلان بھی کر چکے ہیں۔