تہران (انٹرنیشنل ڈیسک) عراقی حکومت کی کوششوں سے ایران اور سعودی عرب کے مابین مذاکرات کا دوبارہ آغاز ہو گیا ہے۔ امید کی جا رہی ہے کہ جلد ہی دونوں حریف ممالک کے درمیان تعلقات بحال ہو جائیں گے۔ ایران کی نور ویب سائٹ کے مطابق بغداد میں مذاکرات کا پانچواں دور شروع ہوگیا ہے،جس میں دونوں جانب کے سیکورٹی حکام کے ساتھ عراقی اور عمانی حکام نے بھی شرکت کی۔ اس سے قبل مذاکرات کا چوتھا مرحلہ گزشتہ سال ستمبر میں ہوا تھا۔