اسلام آباد: پی ٹی اے نے غیر قانونی ہاوسنگ سوسائٹیوں کو سوشل میڈیا پر تشہیر نہ کرنے کی ہدایت کردی، بصورت دیگر پی ٹی اے قانون کے تحت کارروائی کا آغاز کرے گا۔
ترجمان پی ٹی اے کی جانب سے جاری بیان کے مطابق لاہور ڈویلپمنٹ اتھارٹی (ایل ڈی اے)نے پاکستان ٹیلی کمیونیکیشن اتھارٹی (پی ٹی اے)سے ڈیجیٹل /سوشل میڈیا پر غیر قانونی ہا سنگ سو سائٹیوں کی تشہیری مہم روکنے کے حوالے سے رابطہ کیا۔ یہ اقدام لاہور ہائی کورٹ کی طرف سے ایک رٹ پٹیشن میں 30مارچ 2022کو جاری ہدایت کے مطابق کیا گیا۔
ایسی تمام ہا سنگ سوسائٹیز جو متعلقہ اداروں سے این او سی حاصل کئے بغیر کام کر رہی ہیں کو ہدایات کی جاتی ہے کہ وہ سوشل میڈیا پلیٹ فارمز پر غیر قانونی کاروباری تشہیر سے گریز کریں بصورت دیگر پی ٹی اے قانون کے تحت اپنے اختیارات کے مطابق کارروائی کا آغاز کرے گا۔