سیئول (انٹرنیشنل ڈیسک) شمالی کوریا نے امریکی صدر کا دورئہ ایشیا ختم ہوتے ہی میزائل داغ دیے۔ خبررساں اداروں کے مطابق جنوبی کوریا کے جوائنٹ چیف آف اسٹاف نے بتایا کہ شمالی کوریا نے اپنے مشرقی ساحل کے قریب میزائلوں کے 3تجربات کیے۔ یہ تجربات امریکی صدر جو بائیڈن کے سیول اور ٹوکیو کے 5روزہ دورے کے اختتام کے فوراً بعد کیے گئے۔ ادھر امریکا اور جاپان نے ان میزائل تجربات کی مذمت کی ہے۔واضح رہے کہ شمالی کوریا پابندیوں کے باوجود سال کے آغاز سے ہی غیر معمولی رفتار سے ہتھیاروں کے تجربات کر رہا ہے۔