حکومت پاکستان اور کالعدم تحریک طالبان پاکستان کے درمیان مذکرات حتمی مراحل میں داخل ہو گئے ہیں۔ انتہائی باوثوق ذرائع کے مطابق قبائلی علاقوں اور ملاکنڈ ڈویژن کے مشران پر مشتمل جرگہ کل اسلام آباد سے کابل جائے گا۔
حتمی مرحلے سے پہلے کالعدم تحریک طالبان نے حکومت کے ساتھ جنگ بندی میں توسیع کردی ہے۔ تحریک کی جانب سے باقاعدہ طور پر اعلامیہ جاری کیا جائے گا۔ ذرائع کے مطابق قبائلی جرگہ کالعدم تحریک کے ساتھ فریقین کی شرائط پر مذاکرات کرے گا۔ مذکرات میں آمارات اسلامی کے حکام بھی شریک ہوں گے۔
مذاکرات فاٹا انضمام کے خاتمے، جنگجووں کی مسلح واپسی اور ان پر قائم مقدمات واپس لینے کے امور پر ہوں گے۔ قبائلی جرگہ حکومتی شرائط سے بھی کالعدم تحریک کو آگاہ کرے گا۔
