اسلام آ باد:پاکستان تحریک انصاف کے چیئرمین و سابق وزیر اعظم عمران خان نے کہا ہے کہ عوام کو ریلیف کے لیے کوئی کسر نہ اٹھا رکھی جائے، ،پنجاب کی عوام نے چوروں کے ٹولے کو مسترد کر دیا ہے۔
تفصیلات کے مطابق سابق وزیر اعظم عمران خان سے وزیر اعلی پنجاب چوہدری پرویز الہی اور مونس الہی کی ملاقات ہوئی، اس موقع پر چیئرمین پی ٹی آئی نے پرویز الہی کو وزیر اعلی بننے پر مبارکباد دی ہے۔
چوہدری پرویز الہی نے تحریک انصاف کی جانب سے حمایت کرنے پر شکریہ ادا کیا، ملاقات میں موجودہ سیاسی صورتحال اور آئندہ کی حکمت عملی پر تبادلہ خیال ہوا جبکہ پنجاب کابینہ کی تشکیل پر بھی مشاورت کی گئی ہے۔
دونوں رہنماں کے درمیان اتفاق ہوا کہ صوبے کی عوام نے جو اعتماد کیا اس پر بھرپور پورا اتریں گے، چیئرمین پی ٹی آئی اور سابق وزیر اعظم عمران خان کا کہنا تھا کہ عوام کو ریلیف کے لیے کوئی کسر نہ اٹھا رکھی جائے، پنجاب کی عوام نے چوروں کے ٹولے کو مسترد کر دیا ہے۔
