اسلام آباد:سابق کپتان قومی کرکٹ ٹیم شاہد خان آفریدی نے سیلاب سے متاثرہ صوبہ بلوچستان جانے کا فیصلہ کیا ہے۔
سماجی رابطے کی ویب سائٹ ٹوئٹر پر اپنے ایک بیان میں شاہد آفریدی نے کہا کہ اپنے بچوں کا دکھ باٹنے میں خود بلوچستان آرہا ہوں، یہ بچے ہمارے بچے ہیں اور ہمارے ملک کا مستقبل ہیں۔
شاہد آفریدی کا ٹوئٹ کرتے ہوئے کہنا تھا کہ بلوچستان میں آفت، قوم کی آزمائش کا وقت ہے اور بلوچستان نے مجھے ہمیشہ کھلے بازوں اور کشادہ دل کے ساتھ خوش آمدید کہا ہے۔