سینیٹ میں پاکستان تحریک انصاف نے ڈاکٹر شہباز گل کے معاملے پر شدید احتجاج کیااور حکومت کے خلاف نعرے بازی کی۔
اپوزیشن لیڈر شہزاد وسیم کا کہنا تھا کہ جس طریقے سے شہباز گل کو ہسپتال سے اٹھا کر ڈالے میں ڈالا گیا وہاں سے اس کو عدالت میں پیش کیا گیا اور عدالت میں چھین کر اس کا ماسک اتارا گیا، وہ دہائیاں دیتا رہا کہ میں سانس نہیں لے سکتا مجھے آکسیجن دے دو اور ظالموں نے اس کو آکسیجن بھی نہیں دینا گوارا کی۔
ان کا کہنا تھا کہ یہ فاشزم اور غیر انسانی سلوک کی بدترین مثال ہے، غیر انسانی سلوک ہو رہا ہے، فیئر ٹرائل کریں ہمیں کوئی اعتراض نہیں ہے، آپ لوگوں کی سانسیں کھینچ رہے ہیں، تشدد اور غیر انسانی ہتھکنڈوں کی اس ملک میں کوئی گنجائش نہیں ہونی چاہیے
اس دوران بھی پی ٹی آئی ارکان نے اپنا احتجاج جاری رکھا،چیئرمین سینیٹ نے کہا کہ تشریف رکھیں وقفہ سوالات شروع کروں آپ نے احتجاج کرلیا تاہم پی ٹی آئی ارکان نہ مانے جس پر چیئرمین سینیٹ نے اجلاس غیر معینہ مدت کے لئے ملتوی کردیا۔