سئیول: امریکا اور جنوبی کوریا نے سالانہ فوجی مشقوں کا باقاعدہ آغاز کردیا۔
غیر ملکی خبر رساں اداروں کے مطابق الچی فریڈم شیلڈ نامی مشترکہ مشقیں یکم ستمبر تک جاری رہیں گی،جس میں امریکا اور جنوبی کوریا کی فوج 11فیلڈ ٹریننگ پروگرامز میں حصہ لے گی۔
جنوبی کوریائی وزارت دفاع کا کہنا تھا کہ شمالی کوریا کے بڑھتے خطرات کے پیش نظر مشقوں میں میزائل کا پتا لگانے کی صلاحیتوں کو بہتر بنایا جائے گا اور نئے انٹر سیپیٹر سسٹم کی جلد تعیناتی پر بھی زوردیا جائے گا۔ یاد رہے کہ حال ہی میں امریکا،جنوبی کوریا اور جاپان نے بلیسٹک میزائل دفاعی مشقیں بھی کی تھیں۔