سیہون میں سیلاب سے متاثر ہونے کے باعث نقل مکانی کرنے والے افراد کی کشتی الٹ گئی، جس میںایک بچے سمیت 4 افراد جاں بحق ہوگئے۔
ریسکیو حکام کے مطابق سیہون نے نواحی گائوں بلاول پورمیں کشتی الٹنے کا واقعہ پیش آیا، جس میں 4 افراد ڈوب کر جاں بحق ہوگئے۔
پولیس حکام کے مطابق کشتی میں20 سے زائد افراد سوارتھے، تمام افراد سیلاب کے باعث دیہات سے نقل مکانی کررہے تھے کہ بدقسمی سے کشتی ڈوب گئی۔
ریسکیو کے مطابق اب تک ایک بچے سمیت 4 افراد کی لاشیں مل چکی ہیں، جب کہ باقی افراد کی تلاش جاری ہے۔
