اسلام آ باد: پاکستان تحریک انصاف کے رہنما فواد چوہدری نے کہا ہے کہ موجودہ حکومت کے برسراقتدار آنے کے بعد ڈالرز کی افغانستان اسمگلنگ شروع ہوگئی ہے۔
سماجی رابطے کی ویب سائٹ ٹوئٹر پر اپنے جاری کردہ بیان میں فواد چوہدری نے کہا کہ آئی ایم ایف سے معاہدے کے باوجود روپے کی قدر میں مسلسل کمی ہورہی ہے، اسکی وجہ یہ ہے کہ موجودہ حکومت کے برسراقتدار آنے کے بعد ڈالرز کی افغانستان اسمگلنگ شروع ہوگئی ہے، آج انٹربینک اور مارکیٹ ریٹ میں 10 روپے کا فرق ہے۔
IMF سے معاہدے کے باوجود روپے کی قدر میں مسلسل کمی ہو رہی ہے اسکی وجہ یہ ہے کہ موجودہ حکومت کے برسراقتدار آنے کے بعد ڈالرز کی افغانستان اسمگلنگ شروع ہو گئ ہے،آج انٹربینک اور مارکیٹ ریٹ میں دس روپے کا فرق ہے اہم وزراء جن کے نام اسمگلنگ میں آ رہے ہیں اپنی پوزیشن کی وضاحت کریں
— Ch Fawad Hussain (@fawadchaudhry) September 8, 2022
سابق وفاقی وزیر نے مزید کہا کہ اہم وزرا جن کے نام اسمگلنگ میں آرہے ہیں، اپنی پوزیشن کی وضاحت کریں۔