صحبت پور: وزیراعظم شہباز شریف بلوچستان کے دورے کے دوران سیلاب متاثرہ بچوں میں گھل مل گئے، ان سے قومی ترانہ اور نظمیں سن کر انہیں شاباش بھی دی۔
وزیراعظم محمد شہباز شریف نے صحبت پور بلوچستان میں قائم سیلاب متاثرین کیمپ کا دورہ کیا اور بچوں سے ملاقات کی ہے۔
شہباز شریف بچوں میں گھل مل گئے، ان سے خوب باتیں کیں، ان سے نظمیں سنیں اور شاباش دی۔ شہباز شریف بہت خوش ہوئے اور بچیوں کے لیے 2 ماہ میں خصوصی ماڈل اسکول بنانے کا حکم دیا۔
وزیر اعظم شہباز شریف کی صحبت پور میں سیلاب سے متاثرہ علاقوں کا دورہ اور میڈیا سے گفتگو۔ https://t.co/bjiz8Ppr5q
— PML(N) (@pmln_org) September 14, 2022
انہوں نے کہا کہ اس اسکول کا سارا خرچہ وفاقی حکومت برداشت کرے گی، اسکول میں میدان اور بہترین اساتذہ سمیت کنڈر گارڈن کی تمام سہولیات ہونی چاہیے۔
پاک سر زمین شاد باد۔۔۔ صحبت پور ( بلوچستان) میں ایک کیمپ سکول۔۔۔ pic.twitter.com/kpq7XVz7Td
— PML(N) (@pmln_org) September 14, 2022
یاد رہے کہ صحبت پور کے دورے کے موقع پر وزیراعظم شہباز شریف نے بچوں کو اپنی تعلیم پر توجہ دینے کا روز دیتے ہوئے کہا کہ حکومت ان کے تباہ شدہ اسکول بھی تعمیر کر کے دے گی۔