ملتان کے نشتر اسپتال میں موجود 58لاوارث لاشوں کی تدفین کردی گئی ہیں۔
وزیراعلی پنجاب کے مشیر طارق زمان گجر نے کہا کہ نشتر اسپتال میں ہر لاش کا ریکارڈ موجود ہے،نشتر اسپتال میں لاشوں کی بے حرمتی کے ذمے داران کے خلاف کارروائی کی گئی ہے جب کہ اسپتال میں موجود 58لاوارث لاشوں کی تدفین کردی گئی ہے، اب وہاں مزید کوئی لاوارث لاش موجود نہیں ہے۔
طارق گجر کا کہنا تھا کہ اس واقعے کے بعد وائس چانسلر نشتر میڈیکل یونیورسٹی سے بھی کہہ دیا ہے کہ اگر اب ایسا واقعہ ہوا تو وہ اپنی سیٹ پر نہیں ہوں گے اس کے ساتھ نشتر اسپتال کو فنڈز جاری کردیے گئے ہیں۔