راولپنڈی: سیکورٹی فورسز اور امن دشمنوں کیخلاف کارروائی کے دوران 2 جوانوں نے وطن پر جان قربان کر دی۔
پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق خیبرپختونخوا کے ضلع ڈیرہ اسماعیل خان کے علاقے درازندہ میں سیکورٹی فورسز نے انٹیلی جنس بنیاد پر آپریشن کیا۔بیان کے مطابق سیکورٹی فورسز اور دہشت گردوں کے درمیان شدید فائرنگ کا تبادلہ ہوا، جس کے باعث 2 جوان شہید ہو گئے۔
شہید ہونے والوں میں 33 سالہ ساجد حسین اور 26سالہ سپاہی محمد اسرار شامل ہیں۔ساجد حسین کا تعلق خوشاب سے جبکہ محمد اسرار کا تعلق اٹک سے ہے۔
آئی ایس پی آر کے مطابق سیکورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
